خواب اک پرندہ ہے
خواب اک پرندہ ہے
آنکھ کے قفس میں یہ
جب تلک مقید ہے
عکس بن کے زندہ ہے
خواب اک پرندہ ہے
خواب اک پرندہ ہے
زرد موسموں میں بھی
خوش گوار یادوں کو
تازہ کار رکھتا ہے
آنے والے موسم کے
گیت گنگناتا ہے
شاخ شاخ پر مہکے
پھول چن کے لاتا ہے
اور پھر ہوا کے دوش
خوشبوؤں کا ساتھی ہے
خواب اک پرندہ ہے
خواب اک پرندہ ہے
زیست کے سمندر میں
خواہشیں جزیرہ ہیں
اور اس جزیرے میں
خوف کا اندھیرا ہے
اور اس اندھیرے میں
خواب سا پرندہ ہے
صبح کا ستارہ ہے
دن کا استعارہ ہے
علی اصغر عباس 
(763) ووٹ وصول ہوئے
KHwab Ek Parinda Hai In Urdu By Famous Poet Ali Asghar Abbas. KHwab Ek Parinda Hai is written by Ali Asghar Abbas. Enjoy reading KHwab Ek Parinda Hai Poem on Inspiration for Students, Youth, Girls and Boys by Ali Asghar Abbas. Free Dowlonad KHwab Ek Parinda Hai by Ali Asghar Abbas in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends