چرواہے کا جواب
آگ برابر پھینک رہا تھا سورج دھرتی والوں پر
تپتی زمیں پر لو کے بگولے خاک اڑاتے پھرتے تھے
نہر کنارے اجڑے اجڑے پیڑ کھڑے تھے کیکر کے
جن پر دھوپ ہنسا کرتی ہے ویسے ان کے سائے تھے
اک چرواہا بھیڑیں لے کر جن کے نیچے بیٹھا تھا
سر پر میلا صافا تھا اور کلہاڑی تھی ہاتھوں میں
چلتے چلتے چرواہے سے میں نے اتنا پوچھ لیا
اے بھیڑوں کے رکھوالے کیا لوگ یہاں کے دانا ہیں
کیا یہ سچ ہے یاں کا حاکم نیک بہت اور عادل ہے
سر کو جھکا کر دھندلی آنکھوں والا دھیمے سے بولا
بادل کم کم آتے ہیں اور بارش کب سے روٹھی ہے
نہریں بند پڑی ہیں جب سے ساری دھرتی سوکھی ہے
کچھ سالوں سے کیکر پر بھی پھلیاں کم ہی لگتی ہیں
میری بھیڑیں پیاسی بھی ہیں میری بھیڑیں بھوکی ہیں
علی اکبر ناطق 
(1115) ووٹ وصول ہوئے
Charwahe Ka Jawab In Urdu By Famous Poet Ali Akbar Natiq. Charwahe Ka Jawab is written by Ali Akbar Natiq. Enjoy reading Charwahe Ka Jawab Poem on Inspiration for Students, Youth, Girls and Boys by Ali Akbar Natiq. Free Dowlonad Charwahe Ka Jawab by Ali Akbar Natiq in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends