سارے موسم بدل گئے شاید
سارے موسم بدل گئے شاید
اور ہم بھی سنبھل گئے شاید
جھیل کو کر کے ماہتاب سپرد
عکس پا کر بہل گئے شاید
ایک ٹھہراؤ آ گیا کیسا
زاویے ہی بدل گئے شاید
اپنی لو میں تپا کے ہم خود کو
موم بن کر پگھل گئے شاید
کانپتی لو قرار پانے لگی
جھونکے آ کر نکل گئے شاید
ہم ہوا سے بچا رہے تھے جنہیں
ان چراغوں سے جل گئے شاید
اب کے برسات میں بھی دل خوش ہے
ہجر کے خوف ٹل گئے شاید
صاف ہونے لگے سبھی منظر
اشک آنکھوں سے ڈھل گئے شاید
بارش سنگ جیسے بارش گل
سارے پتھر پگھل گئے شاید
وہ علیناؔ بدل گیا تھا بہت
اس لیے ہم سنبھل گئے شاید
علینا عترت 
(1208) ووٹ وصول ہوئے
Sare Mausam Badal Gae Shayad In Urdu By Famous Poet Aleena Itrat. Sare Mausam Badal Gae Shayad is written by Aleena Itrat. Enjoy reading Sare Mausam Badal Gae Shayad Poem on Inspiration for Students, Youth, Girls and Boys by Aleena Itrat. Free Dowlonad Sare Mausam Badal Gae Shayad by Aleena Itrat in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends