غم کا آہنگ ہے
غم کا آہنگ ہے
اس شام کی تنہائی میں
دام نیرنگ ہے
آغاز کا انجام لیے
کوئی نغمہ کوئی خوشبو نہیں
پروائی میں
دل کے آئینے میں
اور روح کی گہرائی میں
ایک ہی عکس کئی نام لیے
رقص میں ہے
پرتو حسن دلآرام لیے
پھر ترے دھیان میں بیٹھا ہوں
تہی جام لیے
حسرت سعی طلب
بے سر و سامان بھی ہے
سخت ہیجان بھی ہے
جلتے بجھتے سے دیے
زیست کی پہنائی میں
وقت کی جھیل میں
یادوں کے کنول
دور تک دھند کے ملبوس میں
مانوس نقوش
چاندنی رات پون
تاج محل
تلخ ماضی کی حکایات ہیں
اور حال کے افسانے بھی
منتشر خواب ہیں
ویران صنم خانے بھی
ہاں مگر یاد
تیرے وصل کا پیمان بھی ہے
ایک مدت سے
تری دید کا ارمان بھی ہے!!
اختر ضیائی 
(748) ووٹ وصول ہوئے
Gham Ka Aahang Hai In Urdu By Famous Poet Akhtar Ziai. Gham Ka Aahang Hai is written by Akhtar Ziai. Enjoy reading Gham Ka Aahang Hai Poem on Inspiration for Students, Youth, Girls and Boys by Akhtar Ziai. Free Dowlonad Gham Ka Aahang Hai by Akhtar Ziai in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends