محبت کی دنیا میں مشہور کر دوں
محبت کی دنیا میں مشہور کر دوں
مری سادہ دل تجھ کو مغرور کر دوں
ترے دل کو ملنے کی خود آرزو ہو
تجھے اس قدر غم سے رنجور کر دوں
مجھے زندگی دور رکھتی ہے تجھ سے
جو تو پاس ہو تو اسے دور کر دوں
محبت کے اقرار سے شرم کب تک
کبھی سامنا ہو تو مجبور کر دوں
مرے دل میں ہے شعلۂ حسن رقصاں
میں چاہوں تو ہر ذرے کو طور کر دوں
یہ بے رنگیاں کب تک اے حسن رنگیں
ادھر آ تجھے عشق میں چور کر دوں
تو گر سامنے ہو تو میں بے خودی میں
ستاروں کو سجدے پہ مجبور کر دوں
سیہ خانۂ غم ہے ساقی زمانہ
بس اک جام اور نور ہی نور کر دوں
نہیں زندگی کو وفا ورنہ اخترؔ
محبت سے دنیا کو معمور کر دوں
اختر شیرانی 
(1279) ووٹ وصول ہوئے
Mohabbat Ki Duniya Mein Mashhur Kar Dun In Urdu By Famous Poet Akhtar Shirani. Mohabbat Ki Duniya Mein Mashhur Kar Dun is written by Akhtar Shirani. Enjoy reading Mohabbat Ki Duniya Mein Mashhur Kar Dun Poem on Inspiration for Students, Youth, Girls and Boys by Akhtar Shirani. Free Dowlonad Mohabbat Ki Duniya Mein Mashhur Kar Dun by Akhtar Shirani in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends