آرزو وصل کی رکھتی ہے پریشاں کیا کیا
آرزو وصل کی رکھتی ہے پریشاں کیا کیا
کیا بتاؤں کہ مرے دل میں ہیں ارماں کیا کیا
غم عزیزوں کا حسینوں کی جدائی دیکھی
دیکھیں دکھلائے ابھی گردش دوراں کیا کیا
ان کی خوشبو ہے فضاؤں میں پریشاں ہر سو
ناز کرتی ہے ہوائے چمنستاں کیا کیا
دشت غربت میں رلاتے ہیں ہمیں یاد آ کر
اے وطن تیرے گل و سنبل و ریحاں کیا کیا
اب وہ باتیں نہ وہ راتیں نہ ملاقاتیں ہیں
محفلیں خواب کی صورت ہوئیں ویراں کیا کیا
ہے بہار گل و لالہ مرے اشکوں کی نمود
میری آنکھوں نے کھلائے ہیں گلستاں کیا کیا
ہے کرم ان کے ستم کا کہ کرم بھی ہے ستم
شکوے سن سن کے وہ ہوتے ہیں پشیماں کیا کیا
گیسو بکھرے ہیں مرے دوش پہ کیسے کیسے
میری آنکھوں میں ہیں آباد شبستاں کیا کیا
وقت امداد ہے اے ہمت گستاخی شوق
شوق انگیز ہیں ان کے لب خنداں کیا کیا
سیر گل بھی ہے ہمیں باعث وحشت اخترؔ
ان کی الفت میں ہوئے چاک گریباں کیا کیا
اختر شیرانی 
(1102) ووٹ وصول ہوئے
Aarzu Wasl Ki Rakhti Hai Pareshan Kya Kya In Urdu By Famous Poet Akhtar Shirani. Aarzu Wasl Ki Rakhti Hai Pareshan Kya Kya is written by Akhtar Shirani. Enjoy reading Aarzu Wasl Ki Rakhti Hai Pareshan Kya Kya Poem on Inspiration for Students, Youth, Girls and Boys by Akhtar Shirani. Free Dowlonad Aarzu Wasl Ki Rakhti Hai Pareshan Kya Kya by Akhtar Shirani in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends