Dil Se Arman Nikal Rahe Hain
dil se arman nikal rahe hain
mere bhi din badal rahe hain
warna ghar mein hai ghup andhera
yaadon ke charagh jal rahe hain
ye ajab log hain ki un ke
panw nahin pe chal rahe hain
hum dar-e-shah par sawali
aaj hain aur na kal rahe hain
wo hi pahunchenge yar tak jo
girte girte sambhal rahe hain
hum niko nam to hue par
dil pe aare se chal rahe hain
un ko aazad kar jo ab tak
zer-e-habs-e-alal rahe hain
un ko mahbus kar jo kab se
qaede sab kuchal rahe hain
kah na karb-o-bala ka qissa
lafzon ke dil dahal rahe hain
Akhtar Saeed 
(2341) Peoples Rate This