کیسے سمجھاؤں نسیم صبح تجھ کو کیا ہوں میں
کیسے سمجھاؤں نسیم صبح تجھ کو کیا ہوں میں
پھول کے سائے میں مرجھایا ہوا پتا ہوں میں
خاک کا ذرہ بھی کوئی تیرے دامن میں نہ تھا
قدر کر اے زندگی ٹوٹا ہوا تارا ہوں میں
ہر دھڑکتے دل سے انجانا سا رشتہ ہے مرا
آگ دامن میں کسی کے بھی لگے جلتا ہوں میں
اپنی تاریکی سمیٹے پوچھتی ہے مجھ سے رات
کون سی ہے صبح جس کو ڈھونڈھنے نکلا ہوں میں
مجھ کو سمجھائے تو کوئی رازدار کائنات
مجھ میں ہے آباد یہ دنیا کہ خود اپنا ہوں میں
زندگی ٹوٹے ہوئے خوابوں میں گزری ہے تو کیا!
آج بھی اک خواب آنکھوں میں لیے بیٹھا ہوں میں
سمت منزل ہی بدل جائے تو میرا کیا قصور
راستوں سے پوچھ کر دیکھو کہیں ٹھہرا ہوں میں
دیر تک حسرت سے دیکھے گی اسے شام سفر
جس زمیں پر نقش اپنے چھوڑ کر گزرا ہوں میں
چپکے چپکے رات بھر کہتا ہے اخترؔ مجھ سے دل
بستیاں آباد ہیں مجھ سے مگر صحرا ہوں میں
اختر سعید خان 
(772) ووٹ وصول ہوئے
Kaise Samjhaun Nasim-e-subh Tujhko Kya Hun Main In Urdu By Famous Poet Akhtar Saeed Khan. Kaise Samjhaun Nasim-e-subh Tujhko Kya Hun Main is written by Akhtar Saeed Khan. Enjoy reading Kaise Samjhaun Nasim-e-subh Tujhko Kya Hun Main Poem on Inspiration for Students, Youth, Girls and Boys by Akhtar Saeed Khan. Free Dowlonad Kaise Samjhaun Nasim-e-subh Tujhko Kya Hun Main by Akhtar Saeed Khan in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends