Kahen Kis Se Hamara Kho Gaya Kya
kahen kis se hamara kho gaya kya
kisi ko kya ki hum ko ho gaya kya
khuli aankhon nazar aata nahin kuchh
har ek se puchhta hun wo gaya kya
mujhe har baat par jhuTla rahi hai
ye tujh bin zindagi ko ho gaya kya
udasi rah ki kuchh kah rahi hai
musafir raste mein kho gaya kya
ye basti is qadar sunsan kab thi
dil-e-shorida thak kar so gaya kya
chaman-arai thi jis gul ka shewa
meri rahon mein kanTe bo gaya kya
Akhtar Saeed Khan 
(835) Peoples Rate This