تھی تتلیوں کے تعاقب میں زندگی میری
تھی تتلیوں کے تعاقب میں زندگی میری
وہ شہر کیا ہوا جس کی تھی ہر گلی میری
میں اپنی ذات کی تشریح کرتا پھرتا تھا
نہ جانے پھر کہاں آواز کھو گئی میری
یہ سرگزشت زمانہ یہ داستان حیات
ادھوری بات میں بھی رہ گئی کمی میری
ہوائے کوہ ندا اک ذرا ٹھہر کہ ابھی
زمانہ غور سے سنتا ہے ان کہی میری
میں اتنے زور سے چیخا چٹخ گیا ہے بدن
پھر اس کے بعد کسی نے نہیں سنی میری
یہ درمیاں کا خلا ہی مرا نہیں ورنہ
یہ آسمان بھی میرا زمین بھی میری
کسے خبر کہ گہر کیسے ہاتھ آتے ہیں
سمندروں سے بھی گہری ہے خامشی میری
کوئی تو آئے مرے پاس دو گھڑی بیٹھے
کہ کر گئی مجھے تنہا خود آگہی میری
کبھی کبھی تو زمانہ رہا نگاہوں میں
کبھی کبھی نظر آئی نہ شکل بھی میری
مجھے خبر ہے کہاں ہوں میں کون ہوں اخترؔ
کہ میرے نام سے صورت گری ہوئی میری
اختر ہوشیارپوری 
(915) ووٹ وصول ہوئے
Thi Titliyon Ke Taaqub Mein Zindagi Meri In Urdu By Famous Poet Akhtar Hoshiyarpuri. Thi Titliyon Ke Taaqub Mein Zindagi Meri is written by Akhtar Hoshiyarpuri. Enjoy reading Thi Titliyon Ke Taaqub Mein Zindagi Meri Poem on Inspiration for Students, Youth, Girls and Boys by Akhtar Hoshiyarpuri. Free Dowlonad Thi Titliyon Ke Taaqub Mein Zindagi Meri by Akhtar Hoshiyarpuri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends