KHwahish-e-aish Nahin Dard-e-nihani Ki Qasam
KHwahish-e-aish nahin dard-e-nihani ki qasam
bul-hawas khaya karen ishrat-e-fani ki qasam
ek gham-angez haqiqat hai hamari hasti
qissa-KHwan teri gham-angez kahani ki qasam
dil ki gahraiyon mein aag dabi rakhta hun
chashm-e-giryan se baraste hue pani ki qasam
jab se aai hai KHuda rakkhe jawani 'aKHtar'
hum har ek baat par khate hain jawani ki qasam
Akhtar Ansari 
(777) Peoples Rate This