Lafzon Ke Sitam Lahjon Ke Aazar Bahut Hain
lafzon ke sitam lahjon ke aazar bahut hain
kahne ko to is shahr mein gham-KHwar bahut hain
kuchh apne hi duniya mein nahin itne ziyaada
kuchh un mein se bhi shamil-e-aghyar bahut hain
har samt sapere hain jamae hue Dere
is shahr mein sanpon ke KHaridar bahut hain
har samt se tufan ki aamad ki hain KHabren
ab man lo hum log gunahgar bahut hain
ek hum hi nahin shahr-e-sitam-saz mein 'atif'
be-jurm sazaon ke saza-war bahut hain
Akhlaq Aatif 
(902) Peoples Rate This