Ye Sari Dhul Meri Hai Ye Sab Ghubar Mera
ye sari dhul meri hai ye sab ghubar mera
guzar hai tere KHarabe se bar bar mera
KHizan to kya nahin jis ki bahaar ko bhi KHabar
ek aise bagh ke andar hai barg-o-bar mera
hai dil ke naghma o nala se ab gurez mujhe
mila hua hai kisi aur lai se tar mera
main KHush hun nan-o-namak par to is ki dad na de
ki bhik mangta phirta hai shahryar mera
tere ghurur ki ismat-dari pe nadim hun
tere lahu se bhi daman hai daghdar mera
Akbar Masoom 
(869) Peoples Rate This