ہاں یہی شہر مرے خوابوں کا گہوارہ تھا
ہاں یہی شہر مرے خوابوں کا گہوارہ تھا
انہی گلیوں میں کہیں میرا صنم خانہ تھا
اسی دھرتی پہ تھے آباد سمن زار مرے
اسی بستی میں مری روح کا سرمایہ تھا
تھی یہی آب و ہوا نشوونما کی ضامن
اسی مٹی سے مرے فن کا خمیر اٹھا تھا
اب نہ دیواروں سے نسبت ہے نہ بام و در سے
کیا اسی گھر سے کبھی میرا کوئی رشتہ تھا
زخم یادوں کے سلگتے ہیں مری آنکھوں میں
خواب ان آنکھوں نے کیا جانیے کیا دیکھا تھا
مہرباں رات کے سائے تھے منور ایسے
اشک آنکھوں میں لیے دل یہ سراسیمہ تھا
اجنبی لگتے تھے سب کوچہ و بازار اکبرؔ
غور سے دیکھا تو وہ شہر مرا اپنا تھا
اکبر حیدرآبادی 
(900) ووٹ وصول ہوئے
Han Yahi Shahr Mere KHwabon Ka Gahwara Tha In Urdu By Famous Poet Akbar Hyderabadi. Han Yahi Shahr Mere KHwabon Ka Gahwara Tha is written by Akbar Hyderabadi. Enjoy reading Han Yahi Shahr Mere KHwabon Ka Gahwara Tha Poem on Inspiration for Students, Youth, Girls and Boys by Akbar Hyderabadi. Free Dowlonad Han Yahi Shahr Mere KHwabon Ka Gahwara Tha by Akbar Hyderabadi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends