Haal-e-dil Main Suna Nahin Sakta
haal-e-dil main suna nahin sakta
lafz mana ko pa nahin sakta
ishq nazuk-mizaj hai behad
aql ka bojh uTha nahin sakta
hosh aarif ki hai yahi pahchan
ki KHudi mein sama nahin sakta
ponchh sakta hai ham-nashin aansu
dagh-e-dil ko miTa nahin sakta
mujh ko hairat hai us ki qudrat par
alam us ko ghaTa nahin sakta
Akbar Allahabadi 
(1576) Peoples Rate This