نظر آ رہے ہیں جو تنہا سے ہم
نظر آ رہے ہیں جو تنہا سے ہم
سو یوں ہے کہ بھر پائے دنیا سے ہم
نہ پروا ہمیں حال بے حال کی
نہ شرمندہ عمر گزشتہ سے ہم
بھلا کوئی کرتا ہے مردوں سے بات
کہیں کیا دل بے تمنا سے ہم
نظر میں ہے جب سے سراپا ترا
جبھی سے ہیں کچھ بے سر و پا سے ہم
کوئی جل پری کیا پری بھی نہ آئی
مگر خوش ہوئے رات دریا سے ہم
تماشائی شش جہت ہیں سو ہیں
خود اپنے لیے بھی تماشا سے ہم
سمجھنا تھا دنیا کو یوں بھی محال
سمجھتے تھے دنیا کو دنیا سے ہم
اجمل سراج 
(1250) ووٹ وصول ہوئے
Nazar Aa Rahe Hain Jo Tanha Se Hum In Urdu By Famous Poet Ajmal Siraj. Nazar Aa Rahe Hain Jo Tanha Se Hum is written by Ajmal Siraj. Enjoy reading Nazar Aa Rahe Hain Jo Tanha Se Hum Poem on Inspiration for Students, Youth, Girls and Boys by Ajmal Siraj. Free Dowlonad Nazar Aa Rahe Hain Jo Tanha Se Hum by Ajmal Siraj in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends