Kisi Ne Dil Ke Taq Par Jala Ke Rakh Diya Hamein
kisi ne dil ke taq par jala ke rakh diya hamein
magar hawa-e-hijr ne bujha ke rakh diya hamein
hazar hum ne zabt se liya tha kaam kya karen
kisi ke aansuon ne phir rula ke rakh diya hamein
hamari shohraten KHarab is tarah bhi us ne kin
ki apne aashnaon se mila ke rakh diya hamein
hamein is anjuman mein jaane us ne kyun bula liya
bula liya aur ek taraf biTha ke rakh diya hamein
faqat hum ek dekhne ki chiz ban ke rah gae
kisi ne aisa ishq mein bana ke rakh diya hamein
hum 'eatibar' us ki har shikast mein sharik the
magar bisat se alag uTha ke rakh diya hamein
Aitbar Sajid 
(1212) Peoples Rate This