Kaise Kahin Ki Jaan Se Pyara Nahin Raha
kaise kahin ki jaan se pyara nahin raha
ye aur baat ab wo hamara nahin raha
aansu tere bhi KHushk hue aur mere bhi
nam ab kisi nadi ka kinara nahin raha
kuchh din tumhaare lauT ke aane ki aas thi
ab is ummid ka bhi sahaara nahin raha
raste mah-o-nujum ke tabdil ho gae
in khiDkiyon mein ek bhi tara nahin raha
samjhe the dusron se bahut muKHtalif tujhe
kya man len ki tu bhi hamara nahin raha
hathon pe bujh gai hai muqaddar ki kahkashan
ya rakh ho gaya wo sitara nahin raha
tum eatibar us ke liye kyun udas ho
ek shaKHs jo kabhi bhi tumhaara nahin raha
Aitbar Sajid 
(1720) Peoples Rate This