Zulmaton Mein Go Thaharne Ko Thahar Jate Hain Log
zulmaton mein go Thaharne ko Thahar jate hain log
ahl-e-manzil ki nigahon se utar jate hain log
kal talak to husn ki masumiyat mashkuk thi
ab KHulus-e-ishq par bhi choT kar jate hain log
rah mein ab wo dar-e-jaanan ho ya dair-o-haram
sar uThae be-niyazana guzar jate hain log
zindagi ki be-sabaati ka koi rona nahin
hae wo haalat jab be-maut mar jate hain log
shaiKH-sahib hum siyah-baKHton ka pichha chhoDiye
sham hoti hai to apne apne ghar jate hain log
Aish Barni 
(675) Peoples Rate This