Sataish Na Kijiye Tabrra Sahi
sataish na kijiye tabrra sahi
nahin bint-e-angur Tharra sahi
tassur nahin un ke ruKH par na ho
hai quran to quran muarra sahi
magar kitne suraj hain dushman mere
meri haisiyat ek zarra sahi
kahan chain tere junun-kar ko
gham-e-do-jahan se mubarra sahi
badan dar badan ishq ruh-e-rawan
zaman dar zaman ek Dharra sahi
raunat gharibi ka mahsul hai
sukhi ko saKHawat ka gharra sahi
piyenge yunhi hans ke hum zahr-e-gham
hamare liye roz-marra sahi
mila kuchh to qatil se 'azim' tumhein
pas-e-dagh-e-dil ek chharra sahi
Ainuddin Azim 
(892) Peoples Rate This