خاکساری تھی کہ بن دیکھے ہی ہم خاک ہوئے
خاکساری تھی کہ بن دیکھے ہی ہم خاک ہوئے
اور کبھی معرکۂ فتح و ظفر دیکھ نہ پائے
اس نے دیکھا ہے تو پھر دیکھنا کیا ہو جائے
دیکھتے رہنا ہے ظالم کو ادھر دیکھ نہ پائے
بے ہنر دیکھ نہ سکتے تھے مگر دیکھنے آئے
دیکھ سکتے تھے مگر اہل ہنر دیکھ نہ پائے
ہو گئے خواہش نظارہ سے بے خود اتنے
دیکھنا چاہتے تھے اس کو مگر دیکھ نہ پائے
کب اسے لوٹ کے دیکھیں گے یہ دیکھا جائے
ہم نے دنیا تو بہت دیکھ لی گھر دیکھ نہ پائے
لوگ جب دیکھنے پر آئے تو اتنا دیکھا
آنکھ پتھرا گئی اور حد نظر دیکھ نہ پائے
وہ بھی کیا دیکھنا تھا دیکھنے والے بولے
جلوہ ہر چند رہا پیش نظر دیکھ نہ پائے
دیپ جلتے رہے طاقوں میں اجالا نہ ہوا
آنکھ پابند تحیر تھی ادھر دیکھ نہ پائے
یہ تیقن نہیں ہوتا تھا کدھر دیکھ سکے
یہ تعین نہیں ہوتا تھا کدھر دیکھ نہ پائے
وہ تغافل تھا کہ اس نے ہمیں دیکھا ہی نہیں
وہ تساہل تھا کہ ہم اس کی نظر دیکھ نہ پائے
اس قدر تیز چلی اب کے ہوائے نابود
چاہ کر شہر تمنا کا کھنڈر دیکھ نہ پائے
یوں ہوا دل زدگاں لوٹ گئے آخر شب
رات تو جاگ کے کاٹی تھی سحر دیکھ نہ پائے
کس نے دیکھی ہے اجالوں سے سلگتی ہوئی رات
اور جو دیکھ سکے خواب سحر دیکھ نہ پائے
عین تابش 
(1122) ووٹ وصول ہوئے
KHaksari Thi Ki Bin Dekhe Hi Hum KHak Hue In Urdu By Famous Poet Ain Tabish. KHaksari Thi Ki Bin Dekhe Hi Hum KHak Hue is written by Ain Tabish. Enjoy reading KHaksari Thi Ki Bin Dekhe Hi Hum KHak Hue Poem on Inspiration for Students, Youth, Girls and Boys by Ain Tabish. Free Dowlonad KHaksari Thi Ki Bin Dekhe Hi Hum KHak Hue by Ain Tabish in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends