Aahon Ki Aazaron Ki Aawazen Thin
aahon ki aazaron ki aawazen thin
rah mein gham ke maron ki aawazen thin
dur KHala mein ek siyahi phaili thi
basti mein angaron ki aawazen thin
aankhon mein KHwabon ne shor machaya tha
aasman par taron ki aawazen thin
ghar ke bahar aawazen thin raston ki
aur ghar mein diwaron ki aawazen thin
ab mujh mein ek sannaTe ki chiKHen hai
pahle kuchh bimaron ki aawazen thin
us basti pe majburi ka saya tha
ghar ghar mein bazaron ki aawazen thin
Ain Irfan 
(814) Peoples Rate This