کاٹ گئی کہرے کی چادر سرد ہوا کی تیزی ماپ
کاٹ گئی کہرے کی چادر سرد ہوا کی تیزی ماپ
اکڑوں بیٹھا اس وادی کی تنہائی میں تھر تھر کانپ
مرمر کی اونچائی چڑھتے پھسلا ہے تو رونا کیا
پاؤں پسارے کیچڑ میں اکھڑی سانسوں کی مالا جاپ
اڑتے پنچھی پیاسی نظروں کی پہچان سے عاری ہیں
تیز ہوئی جاتی ہیں کرنیں تھاپ سہیلی گوبر تھاپ
پھوٹی چوڑی ٹوٹی دھنک رنگوں کا سحر بکھرتا سا
سونے افق پر بہتے بادل گرم توے سے اٹھتی بھاپ
بانسوں کے جنگل کی چلمن حسن جھلکتا منزل کا
بڑھتے ہوئے قدموں کی تاک میں سوکھے ہوئے پتوں پر سانپ
گرم سفر ہے گرم سفر رہ مڑ مڑ کر مت پیچھے دیکھ
ایک دو منزل ساتھ چلے گی پٹکے ہوئے قدموں کی چاپ
جھوم رہی ہے بھنور میں کشتی ساحل و طوفاں رقص میں ہیں
تھکی ہوئی آنکھیں سو جائیں ایسا کوئی راگ الاپ
دیکھ پھپھوند لگی دیواریں مجلس بھی بن سکتی ہیں
طوفانی موسم ہے شفیقؔ اب اور کہیں کا رستہ ناپ
احسن شفیق 
(782) ووٹ وصول ہوئے
KaT Gai Kohre Ki Chadar Sard Hawa Ki Tezi Map In Urdu By Famous Poet Ahsan Shafiq. KaT Gai Kohre Ki Chadar Sard Hawa Ki Tezi Map is written by Ahsan Shafiq. Enjoy reading KaT Gai Kohre Ki Chadar Sard Hawa Ki Tezi Map Poem on Inspiration for Students, Youth, Girls and Boys by Ahsan Shafiq. Free Dowlonad KaT Gai Kohre Ki Chadar Sard Hawa Ki Tezi Map by Ahsan Shafiq in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends