مطمئن اپنے یقیں پر اگر انساں ہو جائے
مطمئن اپنے یقیں پر اگر انساں ہو جائے
سو حجابوں میں جو پنہاں ہے نمایاں ہو جائے
اس طرح قرب ترا اور بھی آساں ہو جائے
میرا ایک ایک نفس کاش رگ جاں ہو جائے
وہ کبھی صحن چمن میں جو خراماں ہو جائے
غنچہ بالیدہ ہو اتنا کہ گلستاں ہو جائے
عشق کا کوئی نتیجہ تو ہو اچھا کہ برا
زیست مشکل ہے تو مرنا مرا آساں ہو جائے
جان لے ناز اگر مرتبۂ عجز و نیاز
حسن سو جان سے خود عشق کا خواہاں ہو جائے
میرے ہی دم سے ہے آباد جنوں خانۂ عشق
میں نہ ہوں قید تو بربادی زنداں ہو جائے
ہے ترے حسن کا نظارہ وہ حیرت افزا
دیکھ لے چشم تصور بھی تو حیراں ہو جائے
دید ہو بات نہ ہو آنکھ ملے دل نہ ملے
ایک دن کوئی تو پورا مرا ارماں ہو جائے
میں اگر اشک ندامت کے جواہر بھر لوں
توشۂ حشر مرا گوشۂ داماں ہو جائے
لے کے دل ترک جفا پر نہیں راضی تو مجھے
ہے یہ منظور کہ وہ جان کا خواہاں ہو جائے
اپنی محفل میں بٹھا لو نہ سنو کچھ نہ کہو
کم سے کم ایک دن احسنؔ پہ یہ احساں ہو جائے
احسن مارہروی 
(752) ووٹ وصول ہوئے
Mutmain Apne Yaqin Par Agar Insan Ho Jae In Urdu By Famous Poet Ahsan Marahravi. Mutmain Apne Yaqin Par Agar Insan Ho Jae is written by Ahsan Marahravi. Enjoy reading Mutmain Apne Yaqin Par Agar Insan Ho Jae Poem on Inspiration for Students, Youth, Girls and Boys by Ahsan Marahravi. Free Dowlonad Mutmain Apne Yaqin Par Agar Insan Ho Jae by Ahsan Marahravi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends