دل جھکا مائل طبیعت ہو گئی
دل جھکا مائل طبیعت ہو گئی
آج بسم اللہ الفت ہو گئی
محو دل سے سب شکایت ہو گئی
سامنے جب ان کی صورت ہو گئی
میرا حال زار تو دیکھا مگر
یہ نہ پوچھا کیوں یہ حالت ہو گئی
وہ فریب ناز دے کر لے گئے
کتنی ارزاں دل کی قیمت ہو گئی
دل میں جب تک آہ تھی اک بات تھی
لب تک آتے ہی حکایت ہو گئی
جب نہ ڈالا اس نے آ کر کوئی پھول
گل ہماری شمع تربت ہو گئی
فتنہ سازی تک جو تھی مشق خرام
رفتہ رفتہ وہ قیامت ہو گئی
کیسی مطلب آشنا تھی چشم شوخ
دل اڑایا اور چمپت ہو گئی
چشم پر نم نے کیا افشا راز
آبروئے ضبط غارت ہو گئی
دل کی چالوں کا نتیجہ یہ ہوا
وقت سے پہلے قیامت ہو گئی
دے دیا دل جس کو ہم نے دے دیا
ہو گئی جس سے محبت ہو گئی
کہہ گئے احسنؔ کے منہ پر آج وہ
تیری صورت سے بھی نفرت ہو گئی
احسن مارہروی 
(736) ووٹ وصول ہوئے
Dil Jhuka Mail Tabiat Ho Gai In Urdu By Famous Poet Ahsan Marahravi. Dil Jhuka Mail Tabiat Ho Gai is written by Ahsan Marahravi. Enjoy reading Dil Jhuka Mail Tabiat Ho Gai Poem on Inspiration for Students, Youth, Girls and Boys by Ahsan Marahravi. Free Dowlonad Dil Jhuka Mail Tabiat Ho Gai by Ahsan Marahravi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends