Mujhko KHushiyan Na Sahi Gham Ki Kahani De De
mujh ko KHushiyan na sahi gham ki kahani de de
jis ko main bhul na paun wo nishani de de
mujh ko buDha na kahe mere zamane wala
ai KHuda mujh ko wo eajaz-e-jawani de de
raat-bhar jagta rahta hun ki jina hai azab
aankhen jo chahti hain nind suhani de de
sun ke ghazlon ko meri jhum uThe har koi
mere ashaar ko wo husn-o-maani de de
yaad kar ke main jise bhul sakun gham 'ahsan'
tu mujhe aisi koi chiz purani de de
Ahsan Imam Ahsan 
(808) Peoples Rate This