دعا
یا خدا ہم کو آدمیت دے
ملک اور قوم کی محبت دے
کر عطا اس قدر تمیز ہمیں
کہ ہو اپنا وطن عزیز ہمیں
اس کی خدمت کو فخر جانیں ہم
اس کی ہر بات دل سے مانیں ہم
پھوٹ اور افتراق کھو دیں ہم
پاپ کی ناؤ کو ڈبو دیں ہم
حسد و کینہ و خصومت و شر
کر دیں ان میں سے سب کو ملک بدر
ایک ہو جائیں سب خواص و عوام
نہ رہے غیریت کا ملک ہیں نام
صلح و امن اماں ہو چار طرف
عافیت حکمراں ہو چار طرف
اتحاد عمل سے ہوں سب کام
کوئی دانا رہے نہ بندۂ دام
ملک ہو غیر کے اثر سے پاک
خرمن جور و معصیت ہو خاک
ہو یہ ویرانہ غیرت گل زار
پھر سے آئے وطن میں تازہ بہار
پٹا اترے گلے سے لعنت کا
ختم ہو دور فقر و ذلت کا
احمق پھپھوندوی 
(949) ووٹ وصول ہوئے
Dua In Urdu By Famous Poet Ahmaq Phaphoondvi. Dua is written by Ahmaq Phaphoondvi. Enjoy reading Dua Poem on Inspiration for Students, Youth, Girls and Boys by Ahmaq Phaphoondvi. Free Dowlonad Dua by Ahmaq Phaphoondvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends