عمر کا آخری دن
یہاں میرے اندر درختوں کی کتنی قطاریں سلگتی رہیں گی
وہاں تیرے اندر تڑپتے ہوئے لفظ لمحے
پرندے قطاروں میں بیٹھے ہوئے رو رہے ہیں
درختوں کے پیچھے کئی چاند ٹوٹے ہوئے ریزہ ریزہ
لہو میں نہائے ہوئے کتنے سورج مزاروں کے کتبے!
کہیں ڈھول کی تھاپ پر رقص مرگ مسلسل
کہیں دلدلوں میں اترتے ہوئے جسم جیسے
گنہ گار اپنے کئے کی سزا پا رہے ہیں
نہ تو اپنی پلکوں کے کالے پھریرے اٹھا کر کہیں جا رہی ہے
نہ میں کوئی پرچم اٹھائے ہوئے چل رہا ہوں
مرے پاس بیٹھا ہوا جسم مجھ سے یہ کیوں پوچھتا ہے
کسی گل کی ماہیت رنگ کیا ہے؟
ستاروں کا آہنگ کیا ہے؟
یہ خوشبو ہے یا بارش سنگ کیا ہے
یہ سب زندہ رہنے کے حیلے وسیلے عبث ہیں
ازل سے ابد تک وہی سلسلہ ہے
یہاں سے وہاں تک وہی دھند پھیلی ہوئی ہے
مگر دھند سے کیسے نکلیں یہی سوچتے سوچتے مر گئے ہم
زمیں سے شجر کا جنم زندگی کی علامت مگر موت بھی ہے
مری عمر کا آخری دن
کسی باب آتش زدہ پر کھڑا مسکرانے لگا ہے
کہیں ہجر کی ساعتیں گنتے گنتے مجھے نیند آئی ہوئی ہے
شمار ستارہ نے شاید مرے دل کی رنگیں خلیوں میں
کالے لہو کی عبارت لکھی ہے
سمندر میں ڈوبا ہوا اک مکاں جل رہا ہے
احمد ظفر 
(1385) ووٹ وصول ہوئے
Umr Ka AaKHiri Din In Urdu By Famous Poet Ahmad Zafar. Umr Ka AaKHiri Din is written by Ahmad Zafar. Enjoy reading Umr Ka AaKHiri Din Poem on Inspiration for Students, Youth, Girls and Boys by Ahmad Zafar. Free Dowlonad Umr Ka AaKHiri Din by Ahmad Zafar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends