وہ پھول جو مسکرا رہا ہے
وہ پھول جو مسکرا رہا ہے
شاید مرا دل جلا رہا ہے
چھپ کر کوئی دیکھتا ہے مجھ کو
آنکھوں میں مگر سما رہا ہے
میں چاند کے ساتھ چل رہا ہوں
وہ میری ہنسی اڑا رہا ہے
شاید کسی دور میں وفا تھی
یہ دور تو بے وفا رہا ہے
سو رنگ ہیں زندگی کے لیکن
انسان فریب کھا رہا ہے
تصویر بنے تو مجھ سے کیسے
ہر نقش مجھے مٹا رہا ہے
جو لمحہ پیام ہے فنا کا
چپ چاپ قریب آ رہا ہے
طوفاں نے بھی آنکھ کھول دی ہے
ساحل بھی نظر بچا رہا ہے
فن کار کہوں اسے تو کیسے
تخلیق کو جو مٹا رہا ہے
تقدیر مٹا چکی تھی جس کو
تدبیر کا راز پا رہا ہے
آواز سے آگ لگ رہی ہے
مطرب ہے کہ گیت گا رہا ہے
احساس شکست و کامرانی
آئینے کئی دکھا رہا ہے
وہ خاک نشیں ظفرؔ ہے یارو
جو سوئے فلک بھی جا رہا ہے
احمد ظفر 
(925) ووٹ وصول ہوئے
Wo Phul Jo Muskura Raha Hai In Urdu By Famous Poet Ahmad Zafar. Wo Phul Jo Muskura Raha Hai is written by Ahmad Zafar. Enjoy reading Wo Phul Jo Muskura Raha Hai Poem on Inspiration for Students, Youth, Girls and Boys by Ahmad Zafar. Free Dowlonad Wo Phul Jo Muskura Raha Hai by Ahmad Zafar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends