Dard Thahre To Zara Dil Se Koi Baat Karen
dard Thahre to zara dil se koi baat karen
muntazir hain ki hum apne se mulaqat karen
din to aawazon ke sahra mein guzara lekin
ab hamein fikr ye hai KHatm kahan raat karen
meri taswir adhuri hai abhi kya malum
kya meri shakl bigaDte hue haalat karen
aur ek taza taaruf ka bahana DhunDen
un se kuchh un ke hi bare mein sawalat karen
aao do-chaar ghaDi baiTh ke ek goshe mein
kisi mauzua pe izhaar-e-KHayalat karen
Ahmad Wasi 
(862) Peoples Rate This