اپنی ہی آواز کے قد کے برابر ہو گیا
اپنی ہی آواز کے قد کے برابر ہو گیا
مرتبہ انساں کا پھر بالا و برتر ہو گیا
دل میں در آیا تو مثل گل معطر ہو گیا
میرے شعروں کا سراپا جس کا پیکر ہو گیا
ڈھلتے سورج نے دیا ہے کتنی یادوں کو فروغ
چاند یوں ابھرا کہ ہر ذرہ اجاگر ہو گیا
اب تو اپنے جسم کے سائے سے بھی لگتا ہے ڈر
گھر سے باہر بھی نکلنا اب تو دوبھر ہو گیا
گونجتا ماحول وحشی واہمے جنگل سفر
اف یہ کالی رات جو میرا مقدر ہو گیا
ہائے وہ اک اشک جس کی کوئی منزل ہی نہیں
ہائے وہ اک بے زباں جو گھر سے بے گھر ہو گیا
آپ سے ہم کیا کہیں شہر نگاراں کا مزاج
جو بھی اس ماحول میں آیا وہ پتھر ہو گیا
کیا ہوئیں فکر و تصور کی ترے رعنائیاں
حادثہ ایسا بھی کیا تنویرؔ تم پر ہو گیا
احمد تنویر 
(833) ووٹ وصول ہوئے
Apni Hi Aawaz Ke Qad Ke Barabar Ho Gaya In Urdu By Famous Poet Ahmad Tanvir. Apni Hi Aawaz Ke Qad Ke Barabar Ho Gaya is written by Ahmad Tanvir. Enjoy reading Apni Hi Aawaz Ke Qad Ke Barabar Ho Gaya Poem on Inspiration for Students, Youth, Girls and Boys by Ahmad Tanvir. Free Dowlonad Apni Hi Aawaz Ke Qad Ke Barabar Ho Gaya by Ahmad Tanvir in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends