یہاں ہر لفظ معنی سے جدا ہے
یہاں ہر لفظ معنی سے جدا ہے
حقیقت زندگی سے ماورا ہے
ابھی چہرے کا خاکہ بن رہا ہے
ابھی کچھ اور بھی میرے سوا ہے
ہمیں جو کچھ ملا ناقص ملا ہے
مگر خوش فہمیوں کی انتہا ہے
کوئی چہرہ نہیں خوشبو کا لیکن
تماشا پھول والوں کا لگا ہے
میں اس کی بارشوں کا منتظر ہوں
وہ مجھ سے میرے آنسو مانگتا ہے
یہی باعث ہے میری تشنگی کا
سمندر مجھ سے پانی مانگتا ہے
جہالت روگ تھا جو دل کے اندر
وہی مذہب ہمارا ہو گیا ہے
مقدس ہو گیا ہے جھوٹ میرا
مجھے تو اب اسی کا آسرا ہے
میں پیاسا ہوں پرانے موسموں کا
مگر اب وہ زمانہ جا چکا ہے
کہانی برگ سوزاں سے عبارت
وگرنہ بحر و بر بھی حاشیہ ہے
نہیں ہے خواب سی تصویر جس کی
تو پھر اس خواب کی تعبیر کیا ہے
گماں ہنگامہ آرائی کا عادی
یقیں تنہائیوں میں بولتا ہے
یہ دنیا بے خبر لوگوں کی احمدؔ
وہ دنیا کا نہیں جو جانتا ہے
احمد شناس 
(795) ووٹ وصول ہوئے
Yahan Har Lafz Mani Se Juda Hai In Urdu By Famous Poet Ahmad Shanas. Yahan Har Lafz Mani Se Juda Hai is written by Ahmad Shanas. Enjoy reading Yahan Har Lafz Mani Se Juda Hai Poem on Inspiration for Students, Youth, Girls and Boys by Ahmad Shanas. Free Dowlonad Yahan Har Lafz Mani Se Juda Hai by Ahmad Shanas in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends