تصور کو جگا رکھا ہے اس نے
تصور کو جگا رکھا ہے اس نے
دریچہ نیم وا رکھا ہے اس نے
ذرا سا پھول میرے باغ میں ہے
بہت کچھ ماورا رکھا ہے اس نے
بنا دیکھے گواہی مانگتا ہے
سوال اپنا جدا رکھا ہے اس نے
مرے ہونے سے خود میرا تعلق
بہ رنگ انتہا رکھا ہے اس نے
مٹا دیتا ہے ہر تصویر میری
مجھے اپنا بنا رکھا ہے اس نے
ہماری پیاس قطروں میں لکھی ہے
مگر دریا بہا رکھا ہے اس نے
یہ سورج چاند تاروں کا زمانہ
بس اک لمحہ جلا رکھا ہے اس نے
بناوٹ برملا پھولوں کی صورت
کہ خوشبو کو چھپا رکھا ہے اس نے
کھڑی ہے راہ روکے خود فریبی
مجھے واپس بلا رکھا ہے اس نے
ہوا کا ہے نہ پانی کا کرشمہ
نفس کو خود جلا رکھا ہے اس نے
مجھے بے نام کر دیتا ہے احمدؔ
کہ نام اپنا خدا رکھا ہے اس نے
احمد شناس 
(784) ووٹ وصول ہوئے
Tasawwur Ko Jaga Rakkha Hai Usne In Urdu By Famous Poet Ahmad Shanas. Tasawwur Ko Jaga Rakkha Hai Usne is written by Ahmad Shanas. Enjoy reading Tasawwur Ko Jaga Rakkha Hai Usne Poem on Inspiration for Students, Youth, Girls and Boys by Ahmad Shanas. Free Dowlonad Tasawwur Ko Jaga Rakkha Hai Usne by Ahmad Shanas in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends