بس اک جہان تحیر سے آنے والا ہے
بس اک جہان تحیر سے آنے والا ہے
وہ اجنبی مجھے اپنا بنانے والا ہے
گلاب سنگ کی صورت دکھانے والا ہے
کہاں کہاں وہ مجھے آزمانے والا ہے
کوئی تو دیکھنے والا ہے میری آنکھوں سے
کوئی تو ہے جو تماشہ دکھانے والا ہے
یہ چاند اور ستارے تو اک بہانہ ہیں
کچھ اور ہے جو یہاں جگمگانے والا ہے
ہر ایک جسم یہاں روح کی علامت ہے
یہ ریگزار بھی نغمہ سنانے والا ہے
بس اک سوال کی تخلیق ہے بشر جیسے
کہاں سے آیا ہے کس اور جانے والا ہے
اسے خبر ہے کہاں روشنی کا ماخذ ہے
وہ تیرگی میں دلوں کو جلانے والا ہے
امیر اس کی امانت اٹھا نہیں سکتا
فقیر اصل میں اس کا خزانے والا ہے
وہ ایک پیاس کا لمحہ جو میرے اندر ہے
کبھی کبھی تو سمندر لٹانے والا ہے
وہ خاکسار کو دیتا ہے پھول حصے میں
وہ سنگ زار میں دریا بہانے والا ہے
بہت عزیز ہے زیر و زبر کا کھیل اسے
بجھا بجھا کے تمنا جگانے والا ہے
وہ ایک گوہر یکتا ہے میرے ساگر میں
وہ ایک اشک کہ آنکھوں میں آنے والا ہے
ثمر کو باندھ کے رکھتا ہے وہ درختوں پر
جو پک گیا اسے نیچے گرانے والا ہے
وہ اپنے آپ ہی گھر لوٹ آئے گا احمدؔ
کسی کو کون ہمیشہ بلانے والا ہے
احمد شناس 
(775) ووٹ وصول ہوئے
Bas Ek Jahan-e-tahayyur Se Aane Wala Hai In Urdu By Famous Poet Ahmad Shanas. Bas Ek Jahan-e-tahayyur Se Aane Wala Hai is written by Ahmad Shanas. Enjoy reading Bas Ek Jahan-e-tahayyur Se Aane Wala Hai Poem on Inspiration for Students, Youth, Girls and Boys by Ahmad Shanas. Free Dowlonad Bas Ek Jahan-e-tahayyur Se Aane Wala Hai by Ahmad Shanas in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends