یادوں کی تجسیم پہ محنت ہوتی ہے
یادوں کی تجسیم پہ محنت ہوتی ہے
بیکاری بھرپور مشقت ہوتی ہے
ایسا خالی اور اتنا گنجان آباد
آئینے کو دیکھ کے حیرت ہوتی ہے
دیواروں کا اپنا صحرا ہوتا ہے
اور کمروں کی اپنی وحشت ہوتی ہے
اس کو یاد کرو شدت سے یاد کرو
اس سے تنہائی میں برکت ہوتی ہے
بچپن جوبن اور بڑھاپا اور پھر موت
سب چلتے رہنے کی عادت ہوتی ہے
جینا تو بس لفظ ہے اک بے معنی لفظ
موت سے پہلے موت کی فرصت ہوتی ہے
ایسی آزادی اب اور کہاں ہوگی
عشق میں سب کرنے کی اجازت ہوتی ہے
آنسو موتی جگنو تارہ سورج چاند
ہر قطرے کی اپنی قسمت ہوتی ہے
احمد شہریار 
(1113) ووٹ وصول ہوئے
Yaadon Ki Tajsim Pe Mehnat Hoti Hai In Urdu By Famous Poet Ahmad Shahryar. Yaadon Ki Tajsim Pe Mehnat Hoti Hai is written by Ahmad Shahryar. Enjoy reading Yaadon Ki Tajsim Pe Mehnat Hoti Hai Poem on Inspiration for Students, Youth, Girls and Boys by Ahmad Shahryar. Free Dowlonad Yaadon Ki Tajsim Pe Mehnat Hoti Hai by Ahmad Shahryar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends