Koi Batlae Ki Kya Hain Yaro
koi batlae ki kya hain yaro
hum bagule ki hawa hain yaro
tang hai wusat-e-sahra-e-junun
walwale dil ke siwa hain yaro
sard-o-be-rang hai zarra zarra
garmi-e-rang-e-sada hain yaro
shabnamistan-e-gul-e-naghma mein
nikhat-e-subh-e-wafa hain yaro
jalne walon ke jigar hain dil hain
khilne walon ki ada hain yaro
jin ke qadmon se hain gulzar ye dasht
hum wahi aabla-pa hain yaro
Ahmad Rahi 
(754) Peoples Rate This