ایک نظم
چھٹپٹے کے غرفے میں
لمحے اب بھی ملتے ہیں
صبح کے دھندلکے میں
پھول اب بھی کھلتے ہیں
اب بھی کوہساروں پر
سر کشیدہ ہریالی
پتھروں کی دیواریں
توڑ کر نکلتی ہے
اب بھی آب زاروں پر
کشتیوں کی صورت میں
زیست کی توانائی
زاویے بدلتی ہے
اب بھی گھاس کے میداں
شبنمی ستاروں سے
میرے خاکداں پر بھی
آسماں سجاتے ہیں
اب بھی کھیت گندم کے
تیز دھوپ میں تپ کر
اس غریب دھرتی کو
زر فشاں بناتے ہیں
سائے اب بھی چلتے ہیں
سورج اب بھی ڈھلتا ہے
صبحیں اب بھی روشن ہیں
راتیں اب بھی کالی ہیں
ذہن اب بھی چٹیل ہیں
روحیں اب بھی بنجر ہیں
جسم اب بھی ننگے ہیں
ہاتھ اب بھی خالی ہیں
اب بھی سبز فصلوں میں
زندگی کے رکھوالے
زرد زرد چہروں پر
خاک اوڑھے رہتے ہیں
اب بھی ان کی تقدیریں
منقلب نہیں ہوتیں
منقلب نہیں ہوں گی
کہنے والے کہتے ہیں
گردشوں کی رعنائی
عام ہی نہیں ہوتی
اپنے روز اول کی
شام ہی نہیں ہوتی
احمد ندیم قاسمی 
(1106) ووٹ وصول ہوئے
Ek Nazm In Urdu By Famous Poet Ahmad Nadeem Qasmi. Ek Nazm is written by Ahmad Nadeem Qasmi. Enjoy reading Ek Nazm Poem on Inspiration for Students, Youth, Girls and Boys by Ahmad Nadeem Qasmi. Free Dowlonad Ek Nazm by Ahmad Nadeem Qasmi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends