Aankhon Ki Tajdid
aaKHir kar mere dost
tum ne aankhon ki tajdid ka faisla kar hi Dala
an-dekhe ki did ijad karne ke liye
tum ne kaise daryaft kiya ki chizen
ek asil nigah ke qabil nahin rahin
ye sari kaenat ek sapaT taswir hai
jis se utni jagah bhi nahin bhari ja sakti
jo tumhaare canwas mein KHilqatan maujud hai
tum ne behtar jaana ki aankhon par se
kuchh parten utar do
ta-ki wo dekh len kaise ijad kiya jata hai
wo manzar jahan har shai nae sire se
mashhur aur masnua aur maujud hai
Ahmad Javed 
(1047) Peoples Rate This