پیار اپنے پہ جو آتا ہے تو کیا کرتے ہیں
پیار اپنے پہ جو آتا ہے تو کیا کرتے ہیں
آئینہ دیکھ کے منہ چوم لیا کرتے ہیں
وصل کا لطف مجھے وصل سے پہلے ہی ملا
جب کہا یار نے گھبرا کے یہ کیا کرتے ہیں
اس قدر تھا مجھے الفت میں بھروسا ان پر
کی جفا بھی تو یہ سمجھا کہ وفا کرتے ہیں
ہے یہی عرض خدا سے کہ فلاں بت مل جائے
وہی اچھے جو نمازوں میں دعا کرتے ہیں
لب کسی کے جو ہلے کان ادھر دھیان ادھر
دل لگا کر وہ مرا ذکر سنا کرتے ہیں
صبح کو دیکھ کے آئینہ میں بوسے کا نشاں
مسکراتے ہوئے ہونٹوں میں گلا کرتے ہیں
کیسے کیسے مجھے بے ساختہ ملتے ہیں خطاب
غصہ آتا ہے تو کیا کیا وہ کہا کرتے ہیں
کیا ہوا مجھ کو رقیبوں نے اگر دی تعظیم
تیری محفل میں تو فتنے ہی اٹھا کرتے ہیں
کان باتوں کی طرف آنکھ ہے کاموں کی طرف
ہو کے انجان مرا ذکر سنا کرتے ہیں
چین پیشانی پہ ہے موج تبسم لب میں
ایسے ہنس مکھ ہیں کہ غصے میں ہنسا کرتے ہیں
بس تو چلتا نہیں کچھ کہہ کے انہیں کیوں ہوں ذلیل
ہم تو اپنا ہی لہو آپ پیا کرتے ہیں
اس اشارے کے فدا ایسے تجاہل کے نثار
مار کر آنکھ وہ منہ پھیر لیا کرتے ہیں
جلسے ہی جلسے ہیں جب سے وہ ہوئے خود مختار
کوئی اتنا نہیں کہتا کہ یہ کیا کرتے ہیں
عاشقانہ ہے عقیدہ بھی ہمارا مائلؔ
لے کے ہم نام بتاں ذکر خدا کرتے ہیں
احمد حسین مائل 
(855) ووٹ وصول ہوئے
Pyar Apne Pe Jo Aata Hai To Kya Karte Hain In Urdu By Famous Poet Ahmad Husain Mail. Pyar Apne Pe Jo Aata Hai To Kya Karte Hain is written by Ahmad Husain Mail. Enjoy reading Pyar Apne Pe Jo Aata Hai To Kya Karte Hain Poem on Inspiration for Students, Youth, Girls and Boys by Ahmad Husain Mail. Free Dowlonad Pyar Apne Pe Jo Aata Hai To Kya Karte Hain by Ahmad Husain Mail in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends