آفتاب آئے چمک کر جو سر جام شراب
آفتاب آئے چمک کر جو سر جام شراب
رند سمجھیں کہ ہے صادق سحر جام شراب
سب کے ہاتھوں پہ تھا شب بھر سفر جام شراب
ہر خط دست بنا رہ گزر جام شراب
دختر رز پہ گریں مست پتنگوں کی طرح
شمع محفل ہو یہ لخت جگر جام شراب
تھام لے دست سبو آئے جو چلنے میں لچک
خط بغداد ہو موئے کمر جام شراب
طور سینا کا گماں ہو خم مے پر سب کو
اس طرح ہوش اڑاؤ اثر جام شراب
ساغر مے میں نہیں پرتو خال ساقی
ہے کف دختر رز میں سپر جام شراب
خاک مے خانہ کی بن جاتی قیامت پس کر
ہر قدم پر جو لچکتی کمر جام شراب
آج مے نوشوں کا مجمع ہے کہاں اے ساقی
کون سی بزم میں ہے شور و شر جام شراب
جتنے مے خوار ہیں ساقی سے گلے ملتے ہیں
سحر عید بنی ہے خبر جام شراب
شیشۂ مے سے اڑا کاگ کبوتر کی طرح
نامہ پہنچانے چلا نامہ بر جام شراب
موج صہبا پہ گرا سپنۂ مینا اڑ کر
ہے مرے سامنے تیغ و سپر جام شراب
مے پلاتا ہے اگر ڈھانپ لے سینہ ساقی
تیرے جوبن کو لگے گی نظر جام شراب
آفتاب آ کے سکھاتا ہے چلن شب بھر کا
رات کو ہوتا ہے اکثر گزر جام شراب
دست ساقی میں رہے دست قدح کش میں رہے
گردن شیشۂ صہبا کمر جام شراب
مست کرتے ہیں دو عالم کو یہی دو خود مست
لذت نغمۂ مطرب اثر جام شراب
کیا غضب ہے کہ ترا ہونٹھ نہ چوسے مائلؔ
اور ہو تیرے لبوں تک گزر جام شراب
احمد حسین مائل 
(1128) ووٹ وصول ہوئے
Aaftab Aae Chamak Kar Jo Sar-e-jam-e-sharab In Urdu By Famous Poet Ahmad Husain Mail. Aaftab Aae Chamak Kar Jo Sar-e-jam-e-sharab is written by Ahmad Husain Mail. Enjoy reading Aaftab Aae Chamak Kar Jo Sar-e-jam-e-sharab Poem on Inspiration for Students, Youth, Girls and Boys by Ahmad Husain Mail. Free Dowlonad Aaftab Aae Chamak Kar Jo Sar-e-jam-e-sharab by Ahmad Husain Mail in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends