لا شعور
میں سو گیا
تو زندگی علامتوں کی کھوج میں نکل گئی
پرانے زاویوں کی دھول
جسم پر ملے ہوئے
بہت نراش سینکڑوں برس کے گیت گھاٹ گھاٹ پھیلتے سفید پانیوں کے بیچ گھولتی
چلتی گئی
سفید پانیوں کے نام
پرانے زاویوں کی دھول نفرتیں اور پتھروں کی ڈھیریاں
اداس پاؤں تھک گئے
نہ جادوؤں کی بھیڑ تھی نہ لوگ تھے جو دھات کے بنے ہوئے حصار میں گھرے
ہوئے بکھر گئے
نشان کانپتے نشان کھو گئے
وہ گاؤں اور گاؤں کی ندی پہ ایک پل کہ جیسے آئنہ پہ سنگترے کے سرخ قاش
بارہا جو دھوپ میں چمک اٹھی
وہ بارشوں سے دھل گئی
کبھی سفید پیالیوں کے گرد جو بندھے ہوئے سیاہ تار دیر تک صدائیں دے کے کٹ گئے
تو موسموں کے سائے بھی گزر گئے
زمین اپنے آنسوؤں سے بھیگتی چلی گئی
ہوا چلی تو دور دور دھند سے اٹے ہوئے گھروں کی مون بستیوں میں فاصلوں کے تیز
سنکھ بج اٹھے
جہاز کوئی آ رہا ہے پانیوں کو چیرتا وہ آ گیا
مگر یہاں کی بستیوں میں کون ہے جو آس کی شکھا لیے سپاٹ سرد ریت پر کھڑا رہے
کوئی نہیں کوئی نہیں
تو کیوں نہ اب بجھی ہوئی دشاؤں کو سمیٹ لیں
تو کیوں نہ اور سو رہیں
احمد ہمیش 
(855) ووٹ وصول ہوئے
La Shuur In Urdu By Famous Poet Ahmad Hamesh. La Shuur is written by Ahmad Hamesh. Enjoy reading La Shuur Poem on Inspiration for Students, Youth, Girls and Boys by Ahmad Hamesh. Free Dowlonad La Shuur by Ahmad Hamesh in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends