کس کا شعلہ جل رہا ہے شعلگی سے ماورا
کس کا شعلہ جل رہا ہے شعلگی سے ماورا
کون روشن ہے بھلا اس روشنی سے ماورا
جیتے جی تو کچھ نہیں دیکھا نظر سے ہاں مگر
حیرتیں ڈھونڈا کیے اس حیرتی سے ماورا
کون سا عالم ہے مالک تیرے عالم میں نہاں
کون سجدے میں چھپا ہے بندگی سے ماورا
کوئی تو بتلائے گا آگے کہاں مڑتی ہے راہ
کوئی تو ہوگی زمیں اس ملگجی سے ماورا
بات جینے کی ادا تک خوبصورت ہے مگر
زندگی کچھ اور ہے اس زندگی سے ماورا
خاک بستہ پھر رہا ہے کون سی بستی میں دل
کون آخر خستہ جاں ہے خستگی سے ماورا
اک نگر ترسا ہوا ہے اور صحرا ہے طویل
اور اک ندی ہے کوئی تشنگی سے ماورا
کب سے خالی ہاتھ ہے یاں ایک خلقت عشق کی
ہم بھی ہو جائیں گے ایک دن بے بسی سے ماورا
ان فراواں نعمتوں اور برکتوں کے باوجود
کوئی مفلس چل دیا ہے مفلسی سے ماورا
اپنی دنیا میں اگر پھیلی ہے تاریکی تو کیا
دن کہیں نکلا تو ہوگا تیرگی سے ماورا
احمد ہمیش 
(938) ووٹ وصول ہوئے
Kis Ka Shoala Jal Raha Hai Shoalagi Se Mawara In Urdu By Famous Poet Ahmad Hamesh. Kis Ka Shoala Jal Raha Hai Shoalagi Se Mawara is written by Ahmad Hamesh. Enjoy reading Kis Ka Shoala Jal Raha Hai Shoalagi Se Mawara Poem on Inspiration for Students, Youth, Girls and Boys by Ahmad Hamesh. Free Dowlonad Kis Ka Shoala Jal Raha Hai Shoalagi Se Mawara by Ahmad Hamesh in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends