جب سے میں خود کو کھو رہا ہوں
جب سے میں خود کو کھو رہا ہوں
کروٹ بدل کے سو رہا ہوں
یہ جاگنا اور سونا کیا ہے
آنکھوں میں جہاں سمو رہا ہوں
دنیا سے الجھ کے سر پر شاید
اپنی ہی بلا کو ڈھو رہا ہوں
یہ لاگ اور لگاؤ کیا ہے
اپنا وجود ہی ڈبو رہا ہوں
اب تک جو زندگی ہے گزری
کانٹے نفس میں بو رہا ہوں
ہے کچھ تو اپنی پردہ داری
نہ جاگتا ہوں نہ سو رہا ہوں
اتنا ہے کھوٹ میرے من میں
پانی میں دودھ بلو رہا ہوں
اے دل فگار بے ثبات ہستی
تیری ہی جان کو رو رہا ہوں
جتنی ہے دور موت مجھ سے
اتنا ہی قریب ہو رہا ہوں
شیرازہ یوں بکھر رہا ہے
خود میں تباہ ہو رہا ہوں
کس راستے پر جا رہی ہے دنیا
یہ دیکھ کے ہی تو رو رہا ہوں
جانے ہمیشؔ خود کو کب سے
بے وجہ لہو میں ڈبو رہا ہوں
احمد ہمیش 
(1004) ووٹ وصول ہوئے
Jab Se Main KHud Ko Kho Raha Hun In Urdu By Famous Poet Ahmad Hamesh. Jab Se Main KHud Ko Kho Raha Hun is written by Ahmad Hamesh. Enjoy reading Jab Se Main KHud Ko Kho Raha Hun Poem on Inspiration for Students, Youth, Girls and Boys by Ahmad Hamesh. Free Dowlonad Jab Se Main KHud Ko Kho Raha Hun by Ahmad Hamesh in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends