Main Teri Manta Lekin Jo Mera Dil Hai Na
main teri manta lekin jo mera dil hai na
dar ka patthar hai haTana ise mushkil hai na
ye tera husn kuchh aisa nahin pujen jis ko
lekin ai yar tere gal ka jo til hai na
jo mere waste din raat dua karte hain
dushman-e-jaan ye bata un mein tu shamil hai na
mangna aata nahin aur KHuda kahta hai
ai farishto ise dekho ye jo sail hai na
zindagi ishq mein guzre to qasida likkhun
ki wahi ek qasida tere qabil hai na
Ahmad Ata 
(1287) Peoples Rate This