Kal KHwab Mein Ek Pari Mili Thi
kal KHwab mein ek pari mili thi
ek bose ke baad uD gai thi
main us ke liye dhanak bana tha
wo aur hi rang DhunDhti thi
dewi thi jise main pujta tha
wo aur kisi ko sochti thi
main rah-e-gunah par chala tha
is rah mein kaisi tirgi thi
chhe raste wan nikal rahe the
ek samt zara si raushni thi
aaKHir main dua mein Dhal chuka tha
duniya mujhe aa ke dekhti thi
Ahmad Ata 
(762) Peoples Rate This