De Ke Wo Sare IKHtiyar Mujhe
de ke wo sare iKHtiyar mujhe
aur karta hai sharmsar mujhe
zaKHm tartib de raha hun main
aur kuchh waqt de udhaar mujhe
parsai ka zoam hai un ko
kah rahe hain gunahgar mujhe
fasle ye simaT nahin sakte
ab parayon mein kar shumar mujhe
dil ke gulshan mein tum chale aao
aur kar do sada-bahaar mujhe
tark-e-ulfat ke baad bhi 'ashfaq'
tera rahta hai intizar mujhe
Ahmad Ashfaq 
(769) Peoples Rate This