تیر نظر سے چھد کے دل افگار ہی رہا
تیر نظر سے چھد کے دل افگار ہی رہا
ناسور اس میں صورت سوفار ہی رہا
دنیا سے ہے نرالی عدالت حسینوں کی
فریاد جس نے کی وہ گنہ گار ہی رہا
سودائیوں کی بھیڑ کوئی دم نہ کم ہوئی
ہر وقت گھر میں یار کے بازار ہی رہا
نرگس جو اس مسیح کی نظروں سے گر گئی
اچھے نہ پھر ہوئے اسے آزار ہی رہا
گل زار میں ہمیشہ کیے ہم نے چہچہے
صیاد و باغباں کو صدا خار ہی رہا
آئی نہ دیکھنے میں بھی تصویر یار کی
آئینہ درمیان میں دیوار ہی رہا
سرمے سے طور کے بھی نہ کچھ فائدہ ہوا
آنکھوں کو انتظار کا آزار ہی رہا
مجنوں نے میرا داغ جگر سر پہ رکھ لیا
یہ گل وہ ہے جو طرۂ دستار ہی رہا
کچھ بھی نہ مفسدوں کی دراندازیاں چلیں
اک انس مجھ سے ان سے جو تھا پیار ہی رہا
بولے وہ میری قبر جھروکے سے جھانک کر
یہ شخص مر کے بھی پس دیوار ہی رہا
ممکن نہ پھر ہوئی قفس گور سے نجات
جو اس میں پھنس گیا وہ گرفتار ہی رہا
عالم میں حسن و عشق کا افسانہ رہ گیا
یوسف ہی رہ گئے نہ خریدار ہی رہا
صیاد کو کبھی نہ مصیبت نے دی نجات
بلبل کے صبر میں یہ گرفتار ہی رہا
کیا جانے اس غریب کو کس کی نظر ہوئی
ان انکھڑیوں کا شیفتہ بیمار ہی رہا
تو رہ گیا فقط ترے سودائی رہ گئے
یوسف رہے نہ مصر کا بازار ہی رہا
راحت کسی حسیں سے بھی پائی نہ اے شرفؔ
چاہا جسے وہ درپئے آزار ہی رہا
آغا حجو شرف 
(942) ووٹ وصول ہوئے
Tir-e-nazar Se Chhid Ke Dil-afgar Hi Raha In Urdu By Famous Poet Agha Hajju Sharaf. Tir-e-nazar Se Chhid Ke Dil-afgar Hi Raha is written by Agha Hajju Sharaf. Enjoy reading Tir-e-nazar Se Chhid Ke Dil-afgar Hi Raha Poem on Inspiration for Students, Youth, Girls and Boys by Agha Hajju Sharaf. Free Dowlonad Tir-e-nazar Se Chhid Ke Dil-afgar Hi Raha by Agha Hajju Sharaf in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends