خدا معلوم کس کی چاند سے تصویر مٹی کی
خدا معلوم کس کی چاند سے تصویر مٹی کی
جو گورستاں میں حسرت ہے گریباں گیر مٹی کی
نوازی سرفرازی روح نے تصویر مٹی کی
خوشا تالع خوشا قسمت خوشا تقدیر مٹی کی
حقیقت میں عجائب شعبدہ پرداز دنیا ہے
کہ جو انسان کی صورت تھا وہ ہے تصویر مٹی کی
جسے رویا میں دیکھا تھا ملایا خاک میں اس نے
مقدر نے ہمارے خواب کی تعبیر مٹی کی
مزاروں میں دکھا کر استخواں حسرت یہ کہتی ہے
کوئی پرساں نہیں ان کا یہ ہے توقیر مٹی کی
یہ ناحق برہمی ہے خاکساروں کے غباروں سے
خرابی آندھیوں نے کی ہے بے تقصیر مٹی کی
وہ وحشی تھا کہ مر کے بھی نہ میدان جنوں چھوٹا
مری میت رہی صحرا میں دامن گیر مٹی کی
نہ لی تربت کو گلشن میں جگہ لی بھی تو صحرا میں
ریاضت سب ہماری تو نے اے تقدیر مٹی کی
مرے صیاد نے جس جس جگہ تودہ بنایا تھا
وہاں جا جا کے بو لیتے پھرے نخچیر مٹی کی
ازل کے روز سے غش ہیں جو انساں خاکساری پر
سرشت ان کی ہے مٹی سے یہ ہے تاثیر مٹی کی
یہ عالم ہو گیا ہے جمتے جمتے گرد صحرائی
کہ مجنوں پوچھتا ہے کیا یہ ہے زنجیر مٹی کی
ہمارے خاک کے تودے کو نابود آ کے کر دیں گے
نشانی بھی نہ چھوڑیں گے تمہارے تیر مٹی کی
اجازت سے تمہاری گفتگو کی سنگریزوں نے
برابر سننے والوں نے سنی تقریر مٹی کی
گلی میں یار کی ایسے ہوئے ہو گرد آلودہ
کہ بالکل ہو گئے ہو اے شرفؔ تصویر مٹی کی
آغا حجو شرف 
(842) ووٹ وصول ہوئے
KHuda-malum Kis Ki Chand Se Taswir MiTTi Ki In Urdu By Famous Poet Agha Hajju Sharaf. KHuda-malum Kis Ki Chand Se Taswir MiTTi Ki is written by Agha Hajju Sharaf. Enjoy reading KHuda-malum Kis Ki Chand Se Taswir MiTTi Ki Poem on Inspiration for Students, Youth, Girls and Boys by Agha Hajju Sharaf. Free Dowlonad KHuda-malum Kis Ki Chand Se Taswir MiTTi Ki by Agha Hajju Sharaf in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends