ہوا ہے طور بربادی جو بے دستور پہلو میں
ہوا ہے طور بربادی جو بے دستور پہلو میں
دل بے تاب کو رہتا ہے نامنظور پہلو میں
عجب دل کو لگی ہے لو عجب ہے نور پہلو میں
کیا ہے عشق نے روشن چراغ طور پہلو میں
کہا جو میں نے میرے دل کی اک تصویر کھنچوا دو
منگا کر رکھ دیا اک شیشہ چکناچور پہلو میں
خوشی ہو ہو کے الفت میں جو بار غم اٹھاتا ہے
دل شیدا ہے یا ہے عشق کا مزدور پہلو میں
ہوس ہے دل کو تیرے ہاتھ سے مجروح ہونے کی
لگا دے اک چھری اے قاتل مغرور پہلو میں
ہم آغوشی سے جب سے یار نے پہلو تہی کی ہے
اسی دن سے ہوئی ہے بے کلی مامور پہلو میں
تری تصویر جب میں ڈھونڈنے اٹھتا ہوں جنت میں
بٹھا لیتی ہے منت کر کے مجھ کو حور پہلو میں
تڑپ جاتا ہے دل تیری جدائی یاد آتی ہے
چمک جاتا ہے یارب کس پری کا نور پہلو میں
تصدق تجھ پہ جس دم نجد میں ہو جائے گا مجنوں
جگہ دے گا ترا دیوانۂ مغفور پہلو میں
خدنگ ناز کی آمد پر آمد اس میں رہتی ہے
یہ باب دلکشا ہے یا کہ ہے ناسور پہلو میں
الٰہی میرے اس کے وہ ہم آغوشی کی صورت ہو
کہ جیسے دل کی ہے پیچیدگی مشہور پہلو میں
ہوا اس درجہ غلبہ اس پہ ٹھنڈی ٹھنڈی سانسوں کا
کہ آخر دل ہمارا ہو گیا کافور پہلو میں
نئی تیر لب معشوق نے کی رخنہ پردازی
تسلط تو کیا دل میں ہوا ناسور پہلو میں
برابر اپنے بیٹھے دیکھا ہے یوسف کو رویا میں
خدا چاہے تو آ بیٹھے وہ رشک حور پہلو میں
مسلم اس کے ہونے کی شرفؔ تدبیر بتلاؤ
پڑا ہے مدتوں سے شیشۂ دل چور پہلو میں
آغا حجو شرف 
(798) ووٹ وصول ہوئے
Hua Hai Taur-e-barbaadi Jo Be-dastur Pahlu Mein In Urdu By Famous Poet Agha Hajju Sharaf. Hua Hai Taur-e-barbaadi Jo Be-dastur Pahlu Mein is written by Agha Hajju Sharaf. Enjoy reading Hua Hai Taur-e-barbaadi Jo Be-dastur Pahlu Mein Poem on Inspiration for Students, Youth, Girls and Boys by Agha Hajju Sharaf. Free Dowlonad Hua Hai Taur-e-barbaadi Jo Be-dastur Pahlu Mein by Agha Hajju Sharaf in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends