گھستے گھستے پاؤں میں زنجیر آدھی رہ گئی
گھستے گھستے پاؤں میں زنجیر آدھی رہ گئی
آدھی چھٹنے کی ہوئی تدبیر آدھی رہ گئی
نیم بسمل ہو کے میں تڑپا تو وہ کہنے لگے
چوک تجھ سے ہو گئی تعزیر آدھی رہ گئی
شام سے تھی آمد آمد نصف شب کو آئے وہ
یاوری کر کے مری تقدیر آدھی رہ گئی
نصف شہر اس گیسوئے مشکیں نے دل بستہ کیا
خسرو تاتار کی توقیر آدھی رہ گئی
چودھویں شب نا مبارک ماہ کامل کو ہوئی
نصف منصب ہو گیا جاگیر آدھی رہ گئی
تیز کب تک ہوگی کب تک باڑھ رکھی جائے گی
اب تو اے قاتل تری شمشیر آدھی رہ گئی
آدھے دھڑ کا دم نکلتا تھا کہ آیا خط شوق
پڑھتے پڑھتے مر گئے تحریر آدھی رہ گئی
رنگ پھرنے بھی نہ پایا تھا کہ خود رفتہ ہوا
بن کے مانیؔ سے تری تصویر آدھی رہ گئی
نصف شب تک دی تسلی پھر وہ یوسف اٹھ گیا
خواب حسرت کی مری تعبیر آدھی رہ گئی
خود کہا قاتل سے میں نے پھر دوبارہ ذبح کر
کٹ کے جب گردن دم تکبیر آدھی رہ گئی
دوپہر رات آ چکی جب گفتگو کی عشق کی
یار سے آدھی ہوئی تقریر آدھی رہ گئی
امتحان میں کندنی رنگ ان کا دونا ہو گیا
اڑتے اڑتے سرخیٔ اکسیر آدھی رہ گئی
اے پری رو جلد زنداں میں شرفؔ کی لے خبر
ٹکڑے کر کے پھینک دی زنجیر آدھی رہ گئی
آغا حجو شرف 
(883) ووٹ وصول ہوئے
Ghiste Ghiste Panw Mein Zanjir Aadhi Rah Gai In Urdu By Famous Poet Agha Hajju Sharaf. Ghiste Ghiste Panw Mein Zanjir Aadhi Rah Gai is written by Agha Hajju Sharaf. Enjoy reading Ghiste Ghiste Panw Mein Zanjir Aadhi Rah Gai Poem on Inspiration for Students, Youth, Girls and Boys by Agha Hajju Sharaf. Free Dowlonad Ghiste Ghiste Panw Mein Zanjir Aadhi Rah Gai by Agha Hajju Sharaf in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends